20210930 கேள்வி மற்றும் பதில்கள்

மூகம் கரோதி வாஞ்சலம் பங்கும் லங்காயதே கிரிம்
யத்-க்ருபா தம் அஹம் வந்தே ஸ்ரீ-குரும் தீன-தாரணம்
பரமானந்த-மாதவம் ஸ்ரீ சைதன்ய ஈஷ்வரம்
ஹரி: ஓம் தத் ஷத்

கேள்வி: பெங்காலி:  ஸ்ரீ சைதன்ய மஹாபிரபு லட்சக்கணக்கான மக்களுடன் பிருந்தாவனத்திற்குச் சென்று, ​​அங்கிருந்து அவர் திரும்பினார். பிருந்தாவனத்திற்கு இவ்வளவு பக்தர்களுடன் செல்வது நல்லதல்ல என்று அவர் அறிவுறுத்தினார். அப்போது குரு மஹாராஜா, பிருந்தாவனத்திற்கோ நவத்வீபத்திற்கோ நிறைய பக்தர்களை அழைத்து வர வேண்டாமா? ஸ்ரீ சைதன்ய மஹாபிரபு இந்த கடந்த கால நிகழ்வின் மூலம் லீலையின் மூலம் நமக்கு என்ன சொல்ல முயற்சிக்கிறார்.

ஜெயபதாக ஸ்வாமி:  லட்சக்கணக்கான மக்கள் பகவான்  ஸ்ரீ சைதன்யருடன் சென்று கொண்டிருந்தனர். சைதன்ய மஹாபிரபு பிருந்தாவனத்திற்குச் செல்லும்போது தீவிரமான உள் உணர்வுகளை அனுபவிப்பார். நாம் பல பக்தர்களுடன் சென்றிருந்ததால், அவரால் இறைவனின் பிருந்தாவன நிகழ்வுகளை அனுபவித்து தியானிக்க முடியவில்லை. ஆகவே நாம் இந்த நவத்வீப பரிக்ரமம் மற்றும் விருந்தாவன பரிக்ரமம் ஆயிரம் அல்லது இரண்டாயிரம் பேருடன் சேர்ந்து செய்கிறோம். ஆனால் நம்மைப் பொறுத்த வரையில், ஸ்ரீல பக்திசித்தாந்த சரஸ்வதி தாகூரா மற்றும் ஸ்ரீல பிரபுபாதா ஆகியோர் பக்தர்களுடன் மட்டும் இதைச் செய்தார்கள். அவர்கள் செய்தது போல் நாமும் செய்தால் பிரச்சனை இல்லை. நம்மைப் பொறுத்தவரை, பக்தர்களின் சங்கத்தில் பரிக்ரமத்தைச் செய்யும் போது,இறைவனின் கடந்த கால நிகழ்வுகளை தியானிப்பது எளிதாகிறது. ஸ்ரீ சைதன்ய மஹாபிரபுவின் நிலைப்பாட்டைப் பொறுத்த வரையில், அது வேறு ஒரு சூழ்நிலை.

ஸ்ரீரூப மாதவி தேவி தாஸி, மாயாபூர்:  குழந்தை கிருஷ்ணா மற்றும் குழந்தை யோகமாயா இருவரும் மாற்றி கொள்ளப்பட்ட பிறகு,  சிறைக்கு வந்த யோகமாயா , மன்னன் கம்சனின் கைகளிலிருந்து பறந்து சென்றாள். அவள் எப்போது சுபத்ராமயியாக உயர்த்தப்பட்டாள்?

ஜெயபதாக ஸ்வாமி: சுபத்ரா தேவியும் வாசுதேவரின் மகள். மேலும் கிருஷ்ணர் மற்றும் பலராமரின் சகோதரியாக அவர் விருந்தாவனத்தில் வளர்ந்தார். கிருஷ்ணருக்காகத் தோன்றிய அதே யோகமாயா அவள்தான் என்பது பற்றி தெளிவாகத் தெரியவில்லை.

அரவிந்தாக்ஷ கோவிந்த தாஸா, போபால்: சீடர்கள் குருவிடம் எவ்வாறு மன்னிப்பை தேடிக் கொள்ள வேண்டும்?

ஜெயபதாக சுவாமி:  உண்மையாக ஆத்மார்த்தமாக ஒருவர் மன்னிப்பு கேட்க வேண்டும்.